Ch't' articl'ye fut c'menchie en Jèrriais


Lillie Langtry (13 d'Octobre 185312 dé Févri 1929) 'tait ofûche la pus belle et fanmeuse des Jèrriaises. Ou fut née à St. Saûveux lé 13 d'Octobre, 1853.

La sépultuthe à Lillie Langtry

San péthe, l'Révérend William Le Breton 'tait l'Douoyen d'Jèrri. Ou s'mathyit auve Edward Langtry en 1874 et tchittit Jèrri, mais en arrivant à Londres ou trouvit les pliaîsièrs d'la sociêté pus attriotchants qu'san bouonhoumme. Parmi ses amouotheurs 'taient l'Prînce Louis d'Battenberg et l'Prînce dé Galles.

Ou pâlait l'Jèrriais auve John Everett Millais, acouo un Jèrriais, tchi fit san portrait. Chu portrait est ieune des pus fanmeuses înmages dé Lillie et tch'a nom "A Jersey Lily". Achteu lé portrait est dans la gal'lie du Mûsée d'Jèrri.

Ou d'vînt actrice pouor r'faithe sa forteune.

En 1887 oulle atchilyit la citouoyenneté Améthitchaine et s'dêmathyit d'sén houmme. D'1888 en 1906 oulle aûgnait eune fèrme à vîn en Califournie. En 1899 ou s'mathyit auve lé janne Messire Hugo de Bathe.

Les gâzettes nos racontent qué quand oulle ouvrit l'Opera House à St. Hélyi en 1900, ou dît tchiques patholes en Jèrriais. Malheutheusement, les gâzettes né nos dîsent pon exactément chein qu'ou dît.

La Gâzette du Sé(1) nos raconte étout qu'ou fit sèrvi l'Jèrriais au Cannada duthant la Preunmié Dgèrre Mondiale à un concèrt.

Ou mouothit à Monaco lé 12 dé Févri, 1929. Lillie Langtry fut entèrré dans l'chînm'tchiéthe d'l'églyise dé Saint Saûveux où'est qu'san péthe 'tait Recteu quand ou 'tait janne fil'ye.

Réféthences amendaer

(1) Evening Post 23 d'Dézembre 1916