Lait

Ch't' articl'ye est êcrite en Jèrriais

Lé lait est un blianc litchide produit par les mammiféthes pouor allaiter lus p'tchiots.

Lé lait contcheint du calcium, tch'est un êlément tch'est nécessaithe pouor lé dêv'loppement d'la stchelette et l's os. Épis y'a étout du chucre, des protéïnnes et d'la graisse. S'lon l'annima, lé lait a d'difféthents amas d'îngrédgeins.

Lé lait des gens est hardi radouochi et l'lait des vaques a pus d'graisse dans.

Les gens avaû les siècl'yes ont êl'vé des bêtes à seule fîn d'les traithe pouor faithe sèrvi lus lait. L'pus souvent, ch'est des bêtes à cônes tchi sont traites, mais nou fait sèrvi étout du lait d'biche, du lait d'brébis, du lait d'chanmelle, et du lait d'jeunment.

La lait'tie

Nou bait du lait tout sîmpliément ou nou-s'en ajouôte à d'aut's choses, par exempl'ye:

du thée
du café
d'la céréale

Nou l'fait sèrvi dans la tchuithie, par exempl'ye:

Mais y'a étout des manniéthes dé fèrmenter l'lait pouor aver des produits d'lait'tie:

lé fronmage
lé yaourt

Ch'est en tchi l'lait n'peut pon êt' gardé longtemps et d'vant l'èrfraid'die mécannique (les frigos, étc.) l'seul mouoyen d'prêsèrver l'lait 'tait d'faithe dé tchi auve. Ch'est l'action des bactéthies tchi changent les protéïnnes du lait.

En ribotant nou-s'a du beurre tch'est douothé sus l'pain pouor aver des sannouiches.

Ch't' articl'ye-chîn est eune choutchette - Ajouôtez et amendez!