Thée

Ch't' articl'ye est êcrite en Jèrriais

Lé thée est eune bouaîsson faite auve des fielles d'la pliante Camellia sinensis et dé l'ieau.

La graiethie d'thée

Nou bouort dé l'ieau (dans un ticl'ye, par exempl'ye) épis nou vèrse la caûffée sus les fielles pouor en faithe eune bouoillêtuthe. Nou soulait faithe sèrvi sustout un pot' à thée, mais achteu la pus populaithe manniéthe dé graie l'thée en Ûrope est atout des pouques à thée.

Ès Îles Britanniques nou bait l'thée l'pus souvent auve du lait, mais les thées spéciaux Chinnouais sont bus sans lait.

Des manniéthes dé thée:

• Earl Grey - thée à la bèrgamote
• Lapsang Souchong - thée funtchi
• Darjeeling - thée Îndgien

Dans des pays cauds nou bait du thée gliaichi.

R'pas

Lé thée est étout un p'tit r'pas d'vièrs la fîn d'l'arlévée ou lé c'menchement d'la séthée.