Îles d'la Manche

(Èrdirect dé par Îles normaundes)
Ch't' articl'ye fut c'menchie en Jèrriais


L's Îles d'la Manche (audgo Îles d'la Manche) sont d's îles dans lé Ch'na.

Eune vielle carte

Politiquement, y'a deux bailliages - lé chein d'Jèrri et l'chein d'Dgèrnésy. D'pis 1204, l's Îles ont 'té s'pathées politiquement du restant du Duché d'Nouormandie, mais s'lon ieux la Reine Lîzabé II du Rouoyaume Unni est acouo Duc dé Nouormandie.

Châque bailliage a san parlément, et Sèr et Aur'gny ont lus parléments étout pouor graie lus louais et lus gouvèrner s'lon san chouaix.

L's îles amendaer

       
Jèrri Jerri Jerri Djeri
Dgèrnésy Guernési Gùernesey Gyernëzi
Sèr Saerq Ser Ser
Aur'gny Aurni Âorgny Aoeur'gny Orenyi
Hèrme Haerme Ĥerme Erp
Brecqho Brèqueĥou Breku
Jétho Jethao Jétĥou
Liho Lihao Liĥou
Burho Burĥou
Les Castchets Les Casqùets
L's Êcrého L's Écréĥou
Les Mîntchièrs Les Minqùiers
Les Pièrres dé Lé Les Pyirres dé Lé

Les vièrs noms d's Îles amendaer

S'lon la couôteunme, Jèrri a nom en Latîn Caesarea, et Dgèrnésy a nom Sarnia. Ches noms veinnent d'vièrs dotchuments, mais ch'n'est pon cliai qu'les bouôns noms en Latîn ont 'té applyitchis ès Îles. Ch'fut William Camden dans sa Britannia d'1586 tch'identifyit Sarnia coumme Dgèrnésy. Nou criyait étout qué si Caesarea veurt dithe l'île à César ou dév'thait êt' lé nom d'la pus grande île - Jèrri. Mais l's expèrts n'sont pon d'un même avis entouor chutte tchestchion-chîn. Dans un dotchument du 4e siècl'ye tch'a nom l' Itinnéthaithe d'Antonîn y'a eune liste d'îles à l'entou des côtes du Ch'na tchi contcheint sans doute les noms d's Îles d'la Manche. L'întèrprétâtion est difféthente s'lon lé bord dé ioù'qu nou viage par les côtes et tch'est qu'i' sont les mèrs dêcrits.

Né v'chîn des tabl'yes à explyitchi les dreines théories:

Kellet-Smith (1962) amendaer

  • S.K. Kellett-Smith, The Old names of the Channel Islands, preceded by an account of the manuscript sources and editions of the Antonine Itinerary and Itinerarium Maritimum, Transactions of La Société Guernesiaise, Vol. 17, 1962


Noms Romains Noms Latîns du Mouoyen Âge Noms d'achteu
Riduna Adreni Aoeur'gny
Sarmia Sargia Ser
Caesarea Les Mîntchièrs
Barsa Haerme
Vesargia Breku
Lisia Lesia Guernési
Andium Angia Jèrri
Sicdelis Châosé

Coates (1991) amendaer

  • Richard Coates, The Ancient and Modern names of the Channel Islands, 1991, ISBN 18716115151


Noms Romains Noms d'achteu
Riduna Aoeur'gny
Sarmia Haerme
Cesarea Ser
Barsa Jethao
Lisia Guernési
Andium Jèrri

Lepelley (1999) amendaer

  • René Lepelley, Noms de lieux de Normandie et des îles Anglo-Normandes, 1999, ISBN 2-86253-247-9


Noms Romains Noms Latîns du Mouoyen Âge Noms d'achteu
Sarmia Aoeur'gny
*Caesea (Caesarea) Guernési
Barsa Jethao
Bissargia Burhou
Silia Ser
Andium Jèrri
Riduna Tatiĥou


S'lon la théorie à Lepelley Caesarea s'sait eune mêprînse d'êcrithie pouor un nom Caesea tchi sîngnifiéthait la vèrte, et si Guernési veurt dithe la vèrte île v'là tch'est logique s'lon l'Professeu Lepelley.


Dans san Roman de Rou, Wace êcrit Auremen pouor Aur'gny, Guernerui pouor Dgèrnésy, Erin pouor Hèrme, Gernesi, Gersui et Gesui pouor Jèrri, et Serc pour Sèr.

Réféthences amendaer

  • S.K. Kellett-Smith, The Old names of the Channel Islands, preceded by an account of the manuscript sources and editions of the Antonine Itinerary and Itinerarium Maritimum, Transactions of La Société Guernesiaise, Vol. 17, 1962
  • Richard Coates, The Ancient and Modern names of the Channel Islands, 1991, ISBN 18716115151
  • René Lepelley, Noms de lieux de Normandie et des îles Anglo-Normandes, 1999, ISBN 2-86253-247-9

Viyiz étout amendaer

 

Y a co' de quei à vei' ou à ouï' entou'
l's Îles d'la Manche
sus les Coumuns à Viquipédie