Pierre Le Sueur

Ch't' articl'ye fut c'menchie en Jèrriais

Pièrre L'Sueux (1811 – 16 Janvyi 1853) 'tait l'Connêtabl'ye dé Saint Hélyi 1839-1853.

Lé monument L'Sueux

I' fut né au mais d'Novembre 1811 dans la Grand' Rue à Saint Hélyi, l'fis d'Françouais L'Sueux, forgeux. I' fut êdutchi siez L'Gros et à l'âge dé 15 ans i' d'vînt clèrcot siez l's avocats L'Gallais et Godfray, les chefs des Louothièrs. En 1835 i' s'en fut à Paris à seule fîn d'êtudier la louai et d'èrtou en Jèrri i' fut assèrmenté coumme avocat l'10 d'Dézembre 1836. À la surprînse des Louothièrs, i' r'jouaingnit les Rôsièrs.

I' fut êlu à la Connêtablyie d'Saint Hélyi en 1839 (et rê-êlu en 1842, 1845, 1848 et 1851). I' fit des r'formes: d's êgouts en Ville et des tchuyaux pouor l'ieau; eune brigade; d's êcritchieaux d'noms d'rues et des neunméthos sus les maîsons; l'êlaîs'sie d'rues. En 1846 i' d'vînt Trêsoryi d's Êtats.

Lé 16 dé Janvyi 1853 i' mouothit d'un co. Un obélisque fut êrigie à sa mémouaithe dans la Grand' Rue.