Pâraisses dé Jèrri

Ch't' articl'ye est êcrite en Jèrriais

Jèrri est dîvisé en 12 pâraisses:

• Saint Hélyi
• Saint Saûveux
• Saint Cliément
• Grouville
• Saint Martîn
• La Trinneté
• Saint Jean
• Sainte Mathie
• Saint Ouën
• Saint Pièrre
• Saint Brélade
• Saint Louothains

Les Pâraisses dé Jèrri

Des compathaîsons des Pâraisses

L's êtchussons des Pâraisses dé Jèrri

Toutes les pâraisses dé Jèrri ont l'accès à la mé: Saint Saûveux a la pus p'tite côte des pâraisses (au Di); Saint Pièrre est la seule pâraisse auve deux côtes.

Saint Brélade n'a qu'un vaîthîn – Saint Pièrre.

Saint Cliément est la pus p'tite pâraisse par tèrrain et ch'est la pâraisse auve la pus grande densité d'populâtion. La Trinneté (traîsième pus grande en tèrrain et traîsième pus p'tite en populâtion) a l'mains d'densité.

Par populâtion, Saint Hélyi est la pus grande et Sainte Mathie est la pus p'tite.

Toutes les pâraisses ont eune Salle Pârouaîssiale, excepté Saint Martîn tch'a eune Salle Publyique.

• La pus modèrne des Salles Pârouaîssiales est la cheinne dé Saint Cliément.
• La cheinne dé Saint Brélade soulait êt' la stâtion dé c'mîn d'fé d'Saint Aubîn et la cheinne dé Grouville soulait êt' eune êcole.

Toutes les Pâraisses sont dîvisées en vîngtaines, excepté Saint Ouën tch'est dîvisé en tchilliettes.

Toutes les Pâraisses sont nommées pouor des saints, exceptés La Trinneté et Saint Saûveux (Grouville est Saint Martîn d'Grouville).

Populâtion (2001)

• Saint Brélade: 10,134
• Saint Cliément: 8,196
• Grouville: 4,702
• Saint Hélyi: 28,310
• Saint Jean: 2,618
• Saint Louothains: 4,702
• Saint Martîn: 3,628
• Sainte Mathie: 1,591
• Saint Ouën: 3,803
• Saint Pièrre: 4,293
• Saint Saûveux: 12,491
• La Trinneté: 2,718

Les mênoms des Pâraisses

• Les St. Bréladais: les Carpéleuses
• Les St. Cliémentais et les Grouvillais: l's Enfuntchis
• Les St. Jeannais: les Nièrs Tchus, les Nordgiens
• Les St. Jeannais, les Trinn'tais et les St. Martinnais: les Nordgiens
• Les St. Ouënnais: les Gris Ventres
• Les St. Pièrrais: les Ventres à baînis
• Les Ste. Mathiais: les Rouôlots, les Bourdélots
• Les Villais: les Clyichards
• Les St. Saûveurais et les St. Louothachais n'ont pon d'mênom

L's êtchussons des Pâraisses

• 
  Saint Cliément
• 
  Grouville
• 
  Saint Hélyi
• 
  Saint Jean
• 
  Saint Martîn
• 
  Sainte Mathie
• 
  Saint Ouën
• 
  Saint Pièrre
• 
  Saint Saûveux
• 
  La Trinneté