Histouaithe dé l'art

Ch't' articl'ye fut c'menchie en Jèrriais

L' histouaithe dé l'art est l' histouaithe dé l'art, d'la peintuthe, d'la stchulptuthe avaû les siècl'yes.

Préhistouaithe amendaer

Dans la préhistouaithe les gens faîthaient des mèrques dans la pièrre - nou peut vaie des patrons sus les longues pièrres, et y'a des pièrres stchulptées coumme par exempl'ye la Grand’mère du Chimquière et l' Gardgien d’la Tombe du Déhus en Dgèrnésy.

Nou peindait sus les muthâles des caves étout. Y'a d's exempl'yes à Lascaux et Altamira. Pouortchi qu'nou faîthait d'ités portraits nou n'sait pon. Nou-s'a proposé qué ch'tait eune manniéthe dé chorchell'lie pouor aver la chance dans la chasse. Autrément y'a des sŷmboles dé fèrtilité coumme la Vênus dé Willendorf dé y'a dans les 25,000 ans.

La preunmié pot'tie qué j'connaîssons est mèrtchie d'patrons. Sans doute les gens préhistoriques éthaient fait sèrvi du bouais et d'aut's matéthiaux étout mais chenna n'a dgéthe enduthé.