Ch't' articl'ye fut c'menchie en Jèrriais

Du graffiti est d'la peindrie ou spraiethie d'portraits ou l'êcrithie dé m'sages sus des muthâles – sustout sans la pèrmission d'l'aûgni.

Du graffiti sus la Muthâle dé Bèrlîn

Lé mot graffiti (dé l'Italien: graffiare gratter) fut applyitchi ès înscriptions grattées sus des sépultuthes Romaines et d'aut's gratteuses des touos vièrs temps. Y'a du graffiti prêsèrvé sus les muthâles dé Pompeii.

Lé graffiti est au jour d'aniet eune manniéthe dé vandalisme tchi pliaigue les villes. Mais y'en a tchi dîthent, sustout les cheins tchi l'pratiquent, qué ch'est eune manniéthe d'art – véthe, y'a souvent hardi d'talent et d'travas à r'graie lé pus bieau graffiti.