Ouvrir le menu principal

Wikipedia β

Ch't' articl'ye fut c'menchie en Jèrriais Jèrriais
Coumme lé cinnéma, eune sornette en portraits peut faithe sèrvi des techniques d'la cop'thie et d'l'apprèche

Eune sornette en portraits est eune histouaithe racontée auve des portraits et des patholes.

Nou n'peut pon aîsiment r'chèrchi l'originne d'la sornette en portraits. Des sétchences d'actions ont 'té faites dans l'art d'pis les touos vièrs temps. La peindrie d'muthâles dans les caves et les creux par les gens préhistoriques racontent parfais d's histouaithes dé chasse. L's Êgyptiens, les Grècs et les Romains racontîtent lus batâles dans des portraits.

La Tapiss'sie d'Bayeux raconte la Contchête Nouormande en eune manniéthe dé sornette en portraits. L'art Japonnais dêv'loppit la manga à c'menchi des rouôlots peints.

Auve l'înmprînm'thie, nou publiait des caricatuthes dans tchi nou-s'êcrivait des patholes dans des rouôlots tchi d'vîntent à la siette les ballons d'pâler qu'nou vait au jour d'aniet.

L's înmages d'Êpinna 'taient populaithes. Quand des gâzettes fûtent lanchies pouor un grand publyi, nou-s'expéthînmentait auve des sornettes en portraits. En 1929 en Belgique, la preunmié sornette dé Tintin fut publiée.

En Améthique, des sornettes en portraits entouor les supèrhéros fûtent dêv'loppées. Et pouor les mousses, des conmiques ont 'té faites avaû l's années.

À ches drein, nou-s'a fait des livrets d'sornettes en portraits – des longues sornettes pustôt séthieuses tchi sont eune manniéthe dé roman et qu'des cheins craient sont d'la vraie littéthatuthe, mais d'aut's dithaient qu'ch'est d'l'art.

cinnéma a dêv'loppé la sornette en portraits en la sornette annînmée.

Baunde dessinaéeModifier

Chute sectioun est merqùie en Cotentinais  

La baunde dessinaée ou BD est eun art qùi eunit la dessinn'rie et la littérature. Ch'est coupassous eun live fait do qùiques pages qù'no z-apelle pllaunches. L'histouère est divisaée en pusuurs cases you qù'no peut veî des dessins dessus. Les dessins sount acauntaés d'aveu qùiques textes qùi mountrent cha qùe les persounnages vuulent dire.

Les BDs les pus counséquentes sount Tintin ou byin oco Astérix.

Lians horsModifier

Y'a acouo d'tchi à vaie ou à ouï entouor
les sornettes en portraits
siez la C'meune à Ouitchimédia

  • Qùiques BDs en normaund [1]