« Saint Hélier (parouêche) » : différence entre les versions

Ch'est probabl'ye qu'les [[Romains]] avaient vîsité les [[mielle]]s et [[mathais]] êtrueûlés entré les monts, où'est qu'la Ville est achteu, mais i' n'laîssîtent quâsiment rein driéthe.

S'lon la légende dé Saint [[Hélyi]], y'avait un village ès pêtcheurs au bord d'la mé endrait L'Islet quand l'saint vînt prêchi la pathole dé [[Dgieu]]. Pouor des siècl'yes les bâtisses monastiques dé L'Islet éthaient 'té la seule împortante pliaiche d'la [[pâraisse]]. La caûchie d'[[Saint Aubîn]] et l'[[Vièr Châté]] à [[Gouôrray]] 'taient les centres du [[conmèrce]] et du pouvé. Mais les [[mouaine]]s dé Saint Hélyi r'chûtent lé privilège dé graie un [[marchi]] auprès [[1299]]. Né v'là chein qu'i' fîtent driéthe l'églyise dé Saint Hélyi.

S'lon un r'censement d'[[1331]], y'avait acouo chîn pâraisses tch'avaient pus d'maîsons qu'Saint Hélyi (Saint Saûveux, Saint Martîn, Saint Ouën, Grouville et La Trinneté), et i' n'y'avait qu'210 maîsons[[maîson]]s dans la ville en [[1685]]. Mais pouor [[1734]] la [[populâtion]] 'tait dêjà dans les 2,000.