« Ph'lippe Baudains » : différence entre les versions

portrait
(Nouvé: {{art-jer}} '''Ph'lippe Baudains''' (1836-1908) 'tait un avocat, l'Connêtabl'ye d'Saint Hélyi pouor 21 ans, et Député d'St. Hélyi. Ph'lippe fut né lé [[21 Avri|21 d'...)
 
(portrait)
{{art-jer}}
[[Image:Philippe Baudains bust, Jersey.jpg|thumb|Ph'lippe Baudains]]
 
'''Ph'lippe Baudains''' ([[1836]]-[[1908]]) 'tait un avocat, l'[[Connêtabl'ye]] d'[[Saint Hélyi]] pouor 21 ans, et Député d'St. Hélyi.
 
Ph'lippe fut né lé [[21 Avri|21 d'Avri]] 1836 ès Mouothièrs à [[Saint Jean , Jèrri|Saint Jean]], l'fis d'Jean Baudains et Marguerite Valpy. I' fut êdutchi à Saint Jean et à l'âge dé 15 ans i' d'vînt un clèrcot siez un êcrivain. Il êtudiait la [[louai]] et s'en fut travailli siez l'Vicomte. En [[1858]] i' d'vînt êcrivain et s'en fut à [[Paris]] à seule fîn d'siéthe ses êtudes.
 
Dans la [[Francmachonn'nie]], i' 'tait l'Maît' d'la ''Loge La Césarée'' (loge dé langue [[Français]]e) 1860-1861. Auve des proscrits Français i' fondit eune loge ''Les Amis de l'Avenir'' mais viyant qu'i' y'avait d's athéistes parmi ieux y'avait du hèrtchîn entré ieux et la Francmachonn'nie Angliaîche. Baudains et ses parchonnièrs Francmachons fûtent exclius.
I' r'vînt à la Francmachonn'nie Angliaîche en 1888 et en 1893 èrdévînt Maît' d'la ''Loge La Césarée''.
 
En 1896, i' s'èrtithit pouor sa santé et nou n'criyait pon l'èrvaie quand i' s'en fut en Angliétèrre pouor eune opéthâtion. Nou c'mandit eune statue, eune buste, du stchulpteux Êcôssais, Archibald McFarlane Shannan. Lé blio d'grannit du piédestal vînt d'la cârriéthe à Baudains à Rosnez, et fut stchulpté s'lon l'design d'[[Adolphus Curry]]. La buste fut êrigie dans les gardîns d'[[La Pathade, Jèrri|La Pathade]], qu'lé Connêtabl'ye avait embelli, l'[[23 Septembre|23 d'Septembre]] [[1897]]. À la surprînse du publyi, Baudains r'vînt, r'dgéthi, d'l'Angliétèrre et la fache maigrie d'la stchulptuthe n'èrprésentait d'aut' la ronde fache dé couôteunme dé l'ex-Connêtabl'ye.
 
Nou-s'avait préveu d'bâptîsi la neuve route d'la Ville au [[Bel Rouoya]] l' ''Av'nue Baudains'', mais i' s'adonnit qu'la route èrchut l'nom ''[[Av'nue Victoria]]'' à seule fîn d'mèrtchi l'Jubilé d'1897.
6 721

modifications