Quien

Ch't' articl'ye fut c'menchie en Jèrriais

Un tchian ( tchian; en brayon : kien ouben kin, en câocheis : kien, en côtentineis : kyin oubyin tchyin, en rouenneis : kien ouben kin ; Guernésiais : tchian, tchen; Serkyee : kyã; en Latîn: Canis lupus familiaris) est un mammiféthe mangeux d'viande d'la fanmil'ye des cannîns, tout coumme lé loup et lé r'nard.

Un tchian d'Saint Mâlo

Y'a des tchians saûvages coumme lé dîngo Australien, mais d'pis des mille ans des tchians ont 'té apprivouaîsis pouor la chasse et la garde.

Des tchians ont 'té des tchians bèrgers d'pis bein longtemps, et y'a d'aut's races dé tchians tch'ont 'té êl'vées pouor des manniéthes dé travas pouor les gens, par exempl'ye:

• tchian d'St. Mâlo
• Dalmatien
• Alsacien
• lévri

Des tchians fanmeurs

• Lé Tchian du Bouôlay est un dêmon înmaginnaithe en Jèrri
• Lé Tchico est l'tchian d'la mort

Ditons

Jèrriais

• Quand un tchian est mort tous crient d'ssus
• Tchi s'couoche auve les tchians s'èrlève auve des puches
• Lé tchian tchi va sans être învité èrveint sans dînner
• Tchi m'aime aime man tchian
• Tchian tchi ouasse né mord pas
• Ch'est un failli tchian tchi n'peut rester à sa brecque
• Lé chein tchi veurt battre san tchian trouve tréjous un bâton
• Nou n'peut pon empêchi un tchian d'ouasser
• Si l'tchian n'avait pon arrêté il éthait happé l'lapîn
• Tchèrelle dé tchians n'duthe pon
• Touos bouôns tchians chassent dé race
• Tréjous en hèrtchîn coumme lé cat et l'tchian
• Un tchian a l'drouait d'èrgarder san maît'

Guernésiais

• I' n'vaut pas éviller lé tchen qui dort