Pouque

Ch't' articl'ye est liée doubl'ye : vaie Pouque (frouque). 

Ch't' articl'ye fut c'menchie en Jèrriais

Eune pouque (Guernésiais : pouque, bisac; Serkyee : puk) est dé tchi fait pouor porter ou garder dé tchi. Dé couôteunme, les pouques sont molles, en papi, en taile, ou en pliastique, et sont pliates (ou apliaties) quand i' sont vièdes. Eune pouque peut aver des hangnes, ofûche en bouais, en méta, en fi, ou bein des strapes pouor aîdgi la portéthie.

Nou-s'acate d'la flieu, du chucre, des patates par la poutchie. Aut'fais, nou faîthait sèrvi eune pap'sée à la pliaiche d'eune pouque en papi, ofûche pouor des chucrîns, des clious et tout chenna.

Les pouchettes 'taient preunmiéthement des poutchettes qué nou liait à la cheintuthe.

Des manniéthes dé pouque

• Jèrriais : eune pouque en papi
• Jèrriais : eune pouque en pliastique
• Jèrriais : eune pouque dé taile
• Jèrriais : eune pouque à thée
• Jèrriais : eune pouque à flieu
• Jèrriais : un pagas (pouor l's ôtis)
• Jèrriais : eune pouque à dos; Guernésiais : aen bisac
• Jèrriais : un sa (d'grainelle, d'flieu); Guernésiais : aen sac
• Jèrriais : un bîssa
• Jèrriais : un sac à main
• Guernésiais : énne pouque à rais
• Jèrriais : eune poutchette (eune pétite pouque)

Ditons

• l'pêtcheux n'sent pon sa pouque
• pêtcheux n'a janmais mal au tchoeu d's pouque
• d'un sa pliein d'pièrres nou n'peut en tither d'bouôn grain
• d'un sa nou n'peut pon en aver deux moututhes
• l'Hivé est dans un sa - s'i' n'est pon d'un but il est d'l'aut'
• l'Hivé est dans l'bîssa - s'i' n'est pon dans l'haut, il est dans l'fond
• au pus fort la pouque
• la pêque, la pouque
• les baînis sont dans la pouque
• n'faut pon aller ès baînis sans pouque
• la pouque sent à paîsson
• toute la pouque sent à héthan
• coumme eune pouque mouoillie
• bailli l'sa à tchitch'un
• acater cat' en pouque

Gal'lie

• 
  eune pouque
• 
  des poutchies d'riz
• 
  des pouques à thée
• 
  un sac à main
• 
  eune pouque à dos; aen bisac
• 
  un bîssa