Marmoûset

Ch't' articl'ye est liée doubl'ye : vaie Marmoûset (frouque). 

Ch't' articl'ye fut c'menchie en Jèrriais

Un p'tit marmoûthet

Un marmoûset ou marmoûthet ( marmoûset; Guernésiais : guénaon, marmuzet) (f: Jèrriais : eune marmoûsette, eune marmoûthette, Guernésiais : énne guénaonne) est un prînma, un mammiféthe, un annima.

Nou peut distîndgi trais dgaîngues dé marmoûsieaux:

• marmoûsieaux du Vièr Monde

tchi d'meuthent en Afrique, en Ûrope (en Dgibraltar) et en Âsie - dé couôteunme il' ont eune coue (tchi n'gaffe pon), mais y'en a tchi n'ont pon d'coue.

• marmoûsieaux du Nouvieau Monde

tchi d'meuthent en Améthique du Mitan et Améthique du Sud - dé couôteunme il' ont eune longue coue gaff'rêsse.

• grands marmoûsieaux

tchi n'ont pon d'coue - les marmoûsieaux à longs bras / gibbons / gibbeurs, les tchîmpanzieaux, les gorilles, les orang-utans et les humains.

Bein des gens dithaient qu'les lémurs sont eune manniéthe dé marmoûset, ouaithe qu'les zoologistes dichent qu'i' sont scientifiquement des prînmaux tchi n'sont pon des marmoûsieaux.

Ditons

• faithe dé san marmoûthet - faithe des grîngnes
• nou n'apprend pon à un vièr marmoûset à faithe des grîngnes