Bouais

• Cotentinais : âbre
• Guernésiais : orme
• Jèrriais : bouais ( bouais)
• Serkyee : bwee

Ch't' articl'ye fut c'menchie en Jèrriais

Un bouais est eune grande pliante tch'a un trou (ou tron) d'bouais. I' n'y'a pon d'définnition botannique d'un bouais, mais nou considéthe qu'un bouais dait aver un grand trou et des branques et aver au mains 6m dé haut. Y'a des bouais tchi craîssent jusqu'à 100m dé haut. Les bouais peuvent vivre bein longtemps, et y'en a tch'ont des milles ans.

Lé séquoia (séquouaia, sétchéia, grand rouoge bouais; en Latîn Sequoia sempervirens) est l'pus haut bouais du monde

Jèrriais :Un pommyi est un arbre à frit
Cotentinais : Eun poumyi est eun' âbre

Y'a des manniéthes dé bouais tchi sont d's arbres:

• Arbres à frit: ches bouais sont souvent tchultivés pouor lus frits, par exempl'ye, les poummièrs, les paithièrs, les pêchièrs, étc. L's olivièrs sont pustôt d's arbres étout.

• Un arbre est un bouais spécial: un arbre dé Noué, l'arbre d'vie.

• Un arbre est eune manniéthe dé dgiagranme: un arbre dé fanmil'ye, un arbre êvolutionnaithe.

Y'a des bouais tchi sont tchultivés à lus touos seurs, dans des gardîns ou des pars ou l'long des fôssés ou dans les rues. Un amas d'bouais ensembl'ye est eune bouaîs'sie, ou si y'a un hardi grand nombre dé bouais et d'pliantes ensembl'ye, nou-s'appelle eune grande bouaîs'sie - eune forêt.

Des manniéthes dé bouais

• liste des âbres (C) / liste des bouais (J)

Diton

Jèrriais

• Quand un bouais tchait, l'aut' quémenche à châtchi

Viyiz étout

• Liste dé pliantes