Victoria du Rouoyaume Unni

(Èrdirect dé par Victoria du Roioume-Unin)
Ch't' articl'ye fut c'menchie en Jèrriais

La Reine Victoria (Alexandrina Victoria d'Hannovre; 24 d'Mai 181922 d'Janvyi 1901) 'tait la Reine du Rouoyaume Unni et d'sén empithe, et Duc dé Nouormandie (dans l's Îles). Ou d'vînt l'Împéthatrice d'Înde.

La Reine Victoria dans ses robes dé couronnâtion

Biographie amendaer

San péthe 'tait l'quatrième fis du rouai George III du Rouoyaume Unni. Quand la seule fil'ye au Prînce dé Galles mouothit en 1817, i' n'y'avait d'aut' d'héthitchi. Ses fréthes tchi 'taient acouo vièrs garçons lus mathyîtent à seule fîn d'asseûther la dŷnnastie.

Quand la Prîncêsse Victoria avait 11 ans, s'n oncl'ye Dgillaume IV, tchi n'avait pon d'êfant légitînme, avînt au trône. Victorit d'vînt l'héthitchiéthe au trône.

Oulle avînt au trône lé 20 d'Juîn 1837 quand s'n oncl'ye, Dgillaume IV, mouothit. Ou fut couronnée l'28 d'Juîn 1838.

Ouaithe qué Dgillaume eûsse 'té l'Rouai d'Hannovre étout (et d'vant li les rouais d'Grande Brétangne dépis 1714), eune femme né pouvait pon av'nîn au trône là-bas. La s'pathâtion des couronnes aîdgit à faithe la monnarchie en Grande Brétangne eune monnarchie nâtionnale. Tout coumme, la janne reine s'mathyit auve un couôsîn Allemand, l'Prînce Albèrt d'Saxe-Cobouorg-Gotha, en 1840. L'înmage dé fanmil'ye bourgeaise d'la Reine et du Prînce Consort ravigotit la r'putâtion d'la fanmil'ye rouoyale auprès les scandales aristocratiques des années dé d'vant.

 
La Reine vîsitit l'Rouai Louis-Ph'lippe au châté d'Eu en Haute Nouormandie en 1843. Ch'fut la preunmié rencontre des monnarques Britannique et Français dépis 1520.

La Reine et l'Prînce vîsitîtent les Îles d'la Manche en 1846 - la preunmié vîsite dé caractéthe officiel d'un Duc - et 1859.

Quand l'Prînce Consort mouothit en 1861, la Reine prînt l'deu et portait l'deu pouor l'restant d'sa vie. Tout coumme, y'avait du brit qu'ou s'mathyit auve iun d'ses sèrveurs Êcôssais, John Brown - nou la mênommit scouotrément Missis Brown.

En 1876, lé parlément lyi donnit l'titre Impéthatrice d'Înde. En 1887 les fêtes du Jubilé têmouongnaient l'èrtou d'la populathité d'la Reine.

En 1896, san règne pâssit les cheins dé touos l's aut's monnarques Britanniques, et san Jubilé en 1897 fut eune grande célébrâtion dé touos les pays et tèrritouaithes d'l'empithe.

Ou mouothit en Wique en 1901.

Monuments amendaer

Dgèrnésy amendaer

  • la Tou Victoria
  • la statue à Candie

Jèrri amendaer

 
La statue jubilaithe (1887) en Jèrri
  • Collège Victoria
  • la Caûchie Victoria
  • l'Av'nue Victoria et sa couronne stchulptée
  • la statue d'la Reine (preunmiéthement au Bridge, achteu dans l'Par Victoria)
  • les caûminnes Victoria
  • la Tou Victoria

Viyiz étout amendaer

 

Y a co' de quei à vei' ou à ouï' entou'
la Reine Victoria
sus les Coumuns à Viquipédie