Ch't' articl'ye est êcrite en Jèrriais


L'Docteu Ph'lippe Langliais (Philippe Langlois, 22 d'Septembre 1817 - 19 d'Juîn 1884) 'tait un auteu Jèrriais. Ses noms-d'plieunme 'taient "Un Luorenchais" et "P.L."

I 'tait d'eune vielle fanmil'ye St. Louothachaise. I' fit ses êtudes en méd'cinne à Paris et Dublîn et d'vînt savant et homme dé scienche. I’ tait étout Député, Juge dé la Cour Rouoyale (êlu 27 d'Juîn 1876) et, dans la Milice, Mâjeur et Officyi Médical.

Comme Président d'La Sociêté Jèrriaise, il eut hardi affaithe entouor lé c'menchement du Glossaire du Patois Jersiais auve lé Juge A. A. Le Gros, mais comme poète Jèrriais il êcrivait hardi d’tchi et nou sait qué pouor châque poêsie publiée, il en avait p’t-être dgiêx fais pus tchi restîdrent en mannuscrit, en Français et en Angliais.

Parmi ses miyeu pièches en Jèrriais et les pus connues, sont Lé Vièr Temps et Lé Jèrriais.