Ch't' articl'ye fut c'menchie en Jèrriais

Un gardîn (audgo gardîn) est un bétchet d'tèrre tchultivé pouor des pliantes, des frits ou des lédgeunmes ou areuné pouor lé pliaîsi.

Un gardîn Japonnais peut êt' fait d'rotchièrs et d'gravi rât'lé - nou dit qué chenna r'présente lé zen.

Y'a des difféthentes manniéthes dé gardîn:

Un gardîn à flieurs est l'pus souvent l'avant à eune maîson ou driéthe. Lé gardîn d'eune maîson peut êt' tout sîmpliément d'la bliête. Y'a tchiques maîsons, ou des fèrmes, tch'ont un gardîn enmuthailli – ch'est pouor protégi les pliantes.

Un gardîn à lédgeunmes n'est pon un clios – ch'est un bétchet tch'est plianté auve des difféthentes lédgeunmes, souvent en rangies.

Un gardîn à frits peut êt', par exempl'ye, un gardîn à pommes ou un gardîn à pommièrs.

Si un gardîn est ouvèrt au publyi, ch'est pustôt un par, mais y'a des grands gardîns à l'entou d'mangnièrs ou d'grandes maîsons.