Ch't' articl'ye fut c'menchie en Jèrriais


Un eisteddfod est eune fête dé poésie et d'mûsique d'originne Gallouaise. En Galles, des bardes lus assembliaient ès eisteddfods d'pis l'7e siècl'ye. La couôteunme fut r'lanchie au 15e siècl'ye mais coumme Galles fut încorpouothé dans l'rouoyaume d'Angliétèrre, ch't' expression d'la tchultuthe Gallouaise pèrdit s'n împortance.

L'întéthêt Romantique entouor les tchultuthes régionnales d'vièrs la fîn du 18e siècl'ye ravigotit la tradition.

Y'a un Eisteddfod Nâtionna Gallouais tchi cirtchule par l'pays châque année tch'est la grande fête d'la langue Gallouaise. Y'a d's eisteddfods locaux étout, et un Eisteddfod Întèrnâtionna a 'té assemblié à Llangollen châque année d'pis 1947.

Chutte tradition înspithit l's eisteddfods dé Jèrri et d'Dgèrnésy.