« V'nise » : différence entre les versions

 

{{art-jer}}

'''V'nise''' (en [[Italien]] ''Venezia'' ; en [[Vénitien]] ''Venexia'') est eune [[ville]] du Nord d'l'[[Italie]] tchi fut fondée sus un amas d'[[île]]s. La populâtion est dans les 272,000, dé tchi dans les 62,000 d'meuthent dans la grande île, 31,000 dans l's îles, et 176,000 dans les villes et villages du bord du [[lagon]].

 

S'lon la légende la ville fut fondée en [[422]] par des Romains tchi fiêsaient la Tchête dé [[Rome]]. Probabliément nou-s'avait c'menchi à settler dans les [[mathais]] et sus les [[hoummet]]s du lagon sans [[mathée]]s d'pis l'{{2e siècl'ye}}. Pouor la fîn du {{6e siècl'ye}} lé pouvé d'l'Empithe des Byzantîns 'tait raîque dans la carre du Nord-Êt (la contrée d'[[Ravenne]] et à l'entou). Des caûchies fûtent grées ès bords du lagon. La tchête du pouvé Byzantîn à Ravenne en [[751]] laîssit un fliotchet d'chefs locaux. Lé chef des cheins du lagon avait r'chu l'titre dé ''[[duc]]'' dé l'Empéreu à [[Constantinopl'ye]], et ch'est l'duc tchi d'vînt lé ''doge'' dans la langue du pays.

 

Au {{9e siècl'ye}} lé doge s'èrmuit à l'île Rialto et v'là tchi c'menchit la bâtithie d'la fanmeuse ville dé V'nise – la preunmié [[basilique dé Saint Mar]], lé palais ès Doges, les [[Canné|cannieaux]] et les [[pont]]s tchi r'lient l's îles. En 828 les [[r'lique]]s dé Saint Mar fûtent volées d'[[Alexandrie]] et pliaichies dans la basilique.

 

Duthant la [[R'naîssance]] et l'[[Baroque]] des artistes et des sounneurs 'taient empliyés à V'nise:

 

L'avanche d'l'Empithe des [[Ottomans]] au {{16e siècl'ye}} et la centralîsâtion d'pouvé dans les grands rouoyaumes d'[[Ûrope]] arrêtîtent l'avanche dé la Républyique dé V'nise. La ville et ses tèrritouaithes restaient împortants dans l'conmèrce et partitchuliéthement par ses mannifactuthes dé [[vèrre]] par exempl'ye.

En [[1866]] V'nise fut încorpouothé dans l'Rouoyaume d'Italie.

 

V'nise est la pus grande pièche en Ûrope sans [[vaituthe]]s. Lé [[transport]] dans la ville est à pid ou en [[baté]]. Lé baté à nagi dé couôteunme dé V'nise est la ''gondole'', mais ch'est pustôt des batchieaux-beusses tchi tchithient les gens par les cannieaux au jour d'aniet.

 

[[ru:Венеция]]

[[sah:Венеция]]

[[scn:Vinezzia]]

[[sh:Venecija]]