« Moulîn d'Tchétivé » : différence entre les versions

Contenu supprimé Contenu ajouté
C'valyi d'Jade (devisaer | abyinements)
patron, -choutchette, pann'lée
Man vyi (devisaer | abyinements)
dates
Lène 5:
Lé '''Moulîn d'Tchétivé''' (''Le Moulin de Quétivel'') est un [[moulîn]] à [[Saint Pièrre, Jèrri|St. Pièrre]] dans la Vallée d'St. Pièrre au bas du Mont Fallu en [[Jèrri]].
 
L'nom Tchetivé veint du nom [[Norrouais]] ''Ketill'' (ch'est li tch'avait donné san nom étout à [[Tchettehou|Tchettehou]] (''Quettehou'') dans la [[Grand'-Tèrre]]) et l'mot Vièr Norrouais ''vellir'' (les clios).
 
Y’a ieu un moulîn sus ch't empliaichement d’pis [[1309]] au mains, quand i' fut r'gistré coumme la propriêté d'la Couronne.
 
Avaû les siècl'yes, lé moulîn a veu un tas d’aûnièrs et a 'té r'bâti tchiques fais. Lé bâtisse d’achteu fut bâti au [[XVIIIe s.|dgiêx-huitchième siècl’ye]] quand y’avait l’pus grand nombre dé moulîns - y’en avait huit sus chu russé, et quarante-chîn moulîns en total en Jèrri. Nou-s’împortait l’fronment d’l’[[Ûrope]] dé l’Êst et pis nou l’renv’yait partout dans l’monde, sustout au [[Cannada]] et en [[Améthique]].
 
Nou faîthait acouo sèrvi l’moulîn d’Tchétivé à la fîn du [[XIXe s.|dgiêx-neuvième siècl’ye]], mais au [[XXe s.|vîngtchième siècl’ye]] i’ tchiyit en d’lacres. Duthant l’[[Otchupâtion]], nou l’èrfaîthait sèrvi, mais i’ fut r’freunmé auprès la [[Libéthâtion]].
 
Achteu, lé moulîn est la propriêté d’la Compangnie dg’Ieau, et ch’est l’National Trust dé Jèrri tchi l’a bailli à tèrmage à seule fîn d’lé restaurer - v’là tchi fut fait en [[1979]].
 
L'moulîn est achteu un p'tit [[musée]] et les vîsiteurs peuvent acater d'la flieu du moulîn.
 
[[Category:Jèrri]]