« Noué' » : différence entre les versions

Contenu supprimé Contenu ajouté
Vituzzu (devisaer | abyinements)
p L's amendements de Zbydu (devisaer) sount révertaés ; retouo à la drényire versioun de Savh
Balise : Révocation
Dudxowjwq (devisaer | abyinements)
Aucun résumé des modifications
Balises : Modification par mobile Modification par le web mobile
Lène 6:
 
Ouaithe qué nou n'sache pon la date d'la naîssance dé [[Jésû|Jésû-Christ]], dans les preunmié [[siècl'ye]]s d'la Chrêtchienneté Noué rempliaichit la fête paîenne du mié-Hivé.
 
== Les couôteunmes dé Noué ==
 
Les présents d'Noué ramémouaithent les gens des présents d'[[or]], d'[[enchens]] et d'[[myrrhe]] apportés par les Mages (les souô-disants [[Trais Rouais]]) s'lon la Bouonne Nouvelle ou des poutchies d'or données par [[Saint Nic'lesse]] (tch'est dêv'nu l'[[Papa Noué]]).
 
L'[[arbre dé Noué]] eut s'n originne dans les pays Gèrmanniques.
 
Nou-s'env'yie des cartes dé Noué.
 
Les [[cantique dé Noué|cantiques dé Noué]] sont chantés dans l'[[églyise]]s et les chapelles, ou par les c'mîns à seule fîn d'tcheûter les sou. Achteu y'a des cantiques dé Noué pustôt conmèrciaux et populaithes tchi n'ont rein à faithe auve l'èrligion.
 
Nou mange du [[podîn d'Noué]], des gâches fouôrrées, d'la gâche dé Noué et d'aut's gâchinn'nies.
 
Lé [[23 Dézembre|23 d'Dézembre]] est la Longue Veille, et l'[[24 Décembre|24 dé Dézembre]] est la Sèrvelle dé Noué.
 
S'lon la crianche dans l's [[Îles d'la Manche|Îles]], à mînniet du 25 d'Dézembre toute [[ieau]] est changie en sang et les bestchiaux lus agenouollent dans lus stâlles et ch'est la mort à châtchun tch'ôse entrer dans l'êtabl'ye à ch't' heuthe-là.
 
=== La Sonn'nie d'Clioches à Noué ===
Par eune vielle couôteunme dé pus d'chin chents ans, en [[Jèrri]] nou sonne les [[clioche]]s d'églyise dans les Pâraîsses dé St. Ouën, St. Pièrre et Ste. Mathie d'pis méjeu la Sèrvelle jusqu'â mînniet l'jour dé Noué. Aut'fais chutte couôteunme sé gardait étout à St. Jean, St. Brélade et St. Louothains.
 
Entre 1461 et 1468, les [[France|Français]] avaient 'té en otchupâtion d'l'Ile. À chein qu'nou dit, la libéthâtion arrivit dans l's ambettes dé Noué, et dé jouaie nou sonnit les clioches dans les cliochièrs du Ouêst tchi n'avait janmais 'té tout à fait dans les mains d'l'enn'mîn.
 
== Lé Vièr Noué ==