'''Jean Picot''' ([[4 Févri|4 dé Févri]] [[1846]] – [[30 Dézembre|30 dé Dézembre]] [[1922]]) 'tait un auteu [[Jèrri]]ais.
I' fut né à [[Saint Hélyi|St. Hélyi]] mais d’eune ancienne fanmil’ye [[La Trinneté, Jèrri|Trinnetaise]]. Il êcrivait souos lé nom d’plieunme “J.P.” gentiment d’rînmes et d’prose en [[Jèrriais]], [[Français]] et [[Angliais]] pouor La [[Nouvelle Chronique de Jersey|Nouvelle Chronique]] et s’n [[Almonnas]].
Parmi ses êcrituthes i’y’a d’fanmeuses traductions en Jèrriais des vèrsets dé [[Robert Service]] et de “Mrs Caudle’s Curtain Lectures”, un livre d’un tas d’bouonnes histouaithes bein risibl’yes. Il êcrivit auve grand soin (ayant eune bouonne connaîssance d’la langue française) et il excellait à traduithe ou à adapter; i' fit, comme nou disait, dé tchi mèrveilleux dans chu genre, et auvec un grand sens d’humour.