« Architectuthe » : différence entre les versions

Lé monde des vièrs nos a laîssi des grands bâtisses et monuments, épis y'a des mentions dans les vielles êcrituthes dé bâtisses tchi sont hors d'pis bein longtemps.

 

 

<gallery>

En [[Ûrope du Vouêt]], l'architectuthe des [[Rome|Romains]] laîssie dans des pays auprès la tchête d'l'Empithe Romain fut oubliée pouor bein des siècl'yes. En [[Ûrope dé l'Êst]] ch't' architectuthe dêv'loppîtent et l'architectuthe [[Constantinopl'ye|Byzantinne]] a acouo s'n înfluence dans les [[dôme]]s d'[[églyise]]s [[Grêce|Grècques]] et [[Russie|Russes]]. Ch't' înfluence est veue étout dans l'architectuthe [[Islam]]ique.

 

 

<gallery>

En Ûrope du Vouêt, l'architectuthe Romanne auve ses [[arche]]s arrondies fut rempliaichie duthant l'[[Mouoyen Âge]] par l'architectuthe [[Gothique]].

 

 

<gallery>

Quand les [[Nouormands]] contchéthîtent l'[[Angliétèrre]] en 1066, i' c'menchîtent la bâtithie d'grandes [[cathédrale]]s Gothiques lé travèrs du [[rouoyaume]]. Lus [[Châté|châtchieaux]] ont laîssi d'l'architectuthe Nouormande en Angliétèrre, et d'aut' bord étout car les Nouormands lus en fûtent ès [[Crouaîsades]] étout et y'a d'l'architectuthe Nouormande dans l'[[Êst du Mitan]] étout. Lé rouoyaume Nouormand dé [[Sicile]], où'est qu'nou-s'avait un mêli-mêlo d'architectuthes - Nouormande, [[Arabie|Arabe]], Byzantinne - fit la pus riche architectuthe Nouormande.

 

 

<gallery>

D'vièrs la fîn du [[XVIIIe s.|18e siècl'ye]], la manniéthe [[Néo-Gothique]] èrdêcouvrit l'art du Mouoyen Âge, et la craîssance du conmèrce lé travèrs du monde et la fondâtion d'[[colonnie]]s dans d'aut' [[continnent]]s întroduisîtent des nouvelles înfluences dans l'architectuthe Ûropéenne.

 

 

<gallery>

La [[Révolution Îndustrielle]] démandit des nouvelles manniéthes dé bâtisses pouor les machinnes et l's ouvrièrs des nouvelles îndustries, pouor les mannifactuthes, les [[moulîn]]s épis les [[boutique]]s, les [[stâtion]]s dé [[c'mîn d'fé]] et tout ch'qu'i' y'avait pouor lé [[transport]].

 

 

<gallery>

D'vièr la fîn du [[XIXe s.|19e siècl'ye]], l'[[Art Nouvé]] faîthait sèrvi les nouvelles technologies pouor fabritchi dé tchi d'eune manniéthe pus organnique, mais auprès la [[Preunmié Dgèrre Mondiale]] nou r'chèrchait eune manniéthe pustôt à la machinne, pus [[géométrie|géométrique]] et cliaithe - ch'est l'[[Art Déco]].

 

 

<gallery>

Lé [[modèrnisme]] èrnonchit l'pâssé et auprès la [[S'gonde Dgèrre Mondiale]] i' sembliait qu'l'architectuthe întèrnâtionnale 'tait av'nue à eune putheté finnale. Mais y'eut eune réaction et l'[[Post-Modèrnisme]] appathut pouor jouer auve les manniéthes architectuthales dé difféthents pays et difféthents âges.

 

 

<gallery>

== Viyiz étout ==

{{Commons|Architecture|l'Architectuthe}}

 

== External Links ==

 

[[Category:Architectuthe|*]]

[[lt:Architektūra]]

[[lv:Arhitektūra]]

[[mg:Maritrano]]

[[mk:Архитектура]]