« Jèrriais » : différence entre les versions

{{art-jer-e}}

 

 

L''''Jèrriais''' est la [[Normaund|langue Nouormande]] d'[[Jèrri]], tch'est l'pus grand des [[Îles d'la Manche]].

Jèrriais a nom "jersiais" en Français, et "Jèrriais" ou "Jersey Norman(-French)" en Angliais. L'[[Angliais]] et l'[[Français]] sont les deux langues officielles d'Jèrri. L'Jèrriais est r'connu coumme [[langue régionale]] en Jèrri, mais n'est pon acouo officiel.

 

 

Avaû les siècl'yes, lé [[Latîn]] qu'les [[Rome|Romains]] apportîtent ès provînces d'lus Empithe dêv'loppit en dé difféthentes [[langue]]s. Dans l'Sud, l'[[Italien]], l'[[Espangno]], l'[[Catalan]] et l'[[Portûndgais]] et d'aut's appathûtent, l'[[Roumain]] dans l'Êst, et j'ouïyons acouo les difféthentes langues tchi dêv'loppîtent en Gaule. Ieune d'ches langues-là d'vînt chein qu'nou-s'appelle lé Français - mais y'a étout d'a aut's [[langues d'Oïl]] coumme l'[[Ouallon]], l'[[Picard]], l'[[Gallo]] épis y'a l's aut's langues régionales.

Quand les Norrouais arrivîtent et contchéthîtent la [[Grand' Tèrre]] tch'èrchut l'nom [[Normaundie|Nouormandie]], i' r'nonchîtent lus langue [[Norrouais]]e et c'menchîtent dé pâler la langue d'lus sujets tchi vînt du Latîn. Mais il' întroduîsîtent tchiqu's'eunes des patholes Norrouaises dans lus nouvelle langue Nouormande. Not' pathole ''[[mielle]]'' est v'nu du ''mjelr'' Norrouais.

 

 

Quand l'[[Duché d'Nouormandie]] prînt Jèrri, ch'est chutte langue tchi d'vînt la langue dé l'Île, et chenna pouor des [[siècl'ye]]s auprès [[1204]].

Les poètes dé Jèrri, et parmi ieux les grands Laelius, A.A.L.G. et Elie, ont 'té înspithés par la tradition d'Wace, mais les noms d'Messire Robèrt Pipon Mathet, Augustus Asplet L'Gros et E.J. Luce sont mains connus viyant qu'i' s'muchaient driéthe lus [[Nom-d'plieunme|noms-d'plieunme]]. Mais lus vèrsets sont acouo lius et r'cités ès Séthées Jèrriaises.

 

*[[L'Office du Jèrriais]] - eune parchonn'nie du [[Don Balleine]] et d's [[Êtats d'Jèrri]] tchi mênage l'ensîngnage du Jèrriais.

*Le [[Don Balleine]] - fondé s'lon l'testament d'[[Arthur Balleine|Èrthu Balleine]] pouor la publyicâtion et l'encouothagement d'la langue Jèrriaise.

 

 

 

 

Tchiques auteurs Jèrriais:

*[[Esther Le Hardy]]

*[[Jean Sullivan]]

*[[Edward Le Brocq|Douard Lé Bro]]

*[[Jean Picot]]

[[fi:Jèrriais]]

[[fr:Jersiais]]

[[ko:저지어]]

[[la:Lingua Caesariaca]]