Rimes guernesiaises
Rimes guernesiaises est eune oeuvre dé George Métivier, écrivôin Guernésiais. L'oeuvre a été écrit duthant l'aun 1831. Est eune pyiches de pouésie, en rinmes. Cette oeuvre est écrit en guernésiais.
Chutte articlle fut c'menchiée en Guernésiais
|
Aucun rime amendaer
L'vier Nico amendaer
L'vièr Nico n'a que le souffle; à traver, il est seur,
Sa pel de parchemin nou verrait quâsi l'jeur;
La baîsse l'a mis au lliet; déjà les Corbins l'sentent;
Et, fier com un ribet, l'hérikair se lamente.
A-t-i la lerme à l'ieille? ....Oui.... et la jouaie au cœur:
Ses pensaies, ouest k'i sont? ....Au fonds du grand baheur.
Oyoûs coum i sanglliotte? ....I fait pourtant dzieillies,
Le drôle, à la frumine à serraeure enrouillie.
Mais vchin vnir un Droguiste, un couac jamais itai:
"Man Maîtrida, Mussieu, peut vous ressucitair,"
S'fait l'débitai d'la mort. - "Vere; combien qui coûte?"
"Pas grand chose," llî dit l'autre, auve sa mine d'épergoutte;
"Hé, ch'n'est qu'une bagatelle." - "Mais j'veur saveur combien.
"Combien? ....dite mé à l'heure."
"Ah Mussieu, quasi rien,
"Trente-chinq sous." - "Trente-chinq sous!"
"....A l'aigue! Au feaue! Au meurdre!
"Que j'meure maudit voleur,
"Et que j'té vée l'co teurdre."
L'ami Toumas amendaer
Hélas! hélas! l'ami Toumas
I travaille à filieur de bras:
Jamais, jamais, n'désaltère,
Mais lève et lève le tchu du verre,
Et (sauf l'honneur que j'vou dais)
Le sien sra fré dans trais mais.
Du Champagne vla san drigo:
I fait tire-lire-larigot
Auve du Madère; I s'embrage
De nott milleur Hermitage,
Et vou suppe un gallon d'Claret
Coum si ch'tait du ptit vin suret
Il est haut tems, malécatant
Té qui n'mange guere, et qui bais tant,
A bere du vin k'tu désapranne
Au gin, au gin, iverouaigne!