Ouvrir le menu principal

Wikipedia β

Ch't' articl'ye fut c'menchie en Jèrriais Jèrriais


Ch't êcritchieau à Saint Martîn mouontre lé nom d'rue l'pus long en Jèrri. La rue mène à la Pouquelaye d'Faldou

Eune pouquelaye (ou pouquelée ou dolmen) est eune tombe préhistorique.

Y'a hardi d'pouquelayes en Jèrri et en Dgèrnésy.

Nou soulait craithe qu'les pouquelayes 'taient des templ'yes ès p'tits faîtchieaux et qué ché s'sait malheu d'les touchi. Mais tout coumme bein des pouquelayes ont 'té dêtruites avaû l's années, lus pièrres faites sèrvi pouor des maîsons ou clièrgies car il' enhèrmélaient la tchéthueûthie dans les clios.

En Dgèrnésy lé Trépied est sus la côte et nou soulait craithe qué ch'tait la pliaiche des sabbats des chorchièrs aut'fais. Au Nord-Êt, nou tchitte la grande route et par eune ruette y'a un p'tit mondrîn couvèrt d'bliête auve eune bâsse muthâle et eune hêmie. Ch'est la pouquelaye du Déhus. Ou fut saûvée y'a deux chents ans quand un moussieu l'acatit pa'ce qué d's ouvrièrs avaient l'întention d'faithe sèrvi les vielles pièrres coumme matéthiaux d'bâtithie. Achteu y'a eune porte qu'nou-s'ouvre et en baîssant la tête nou-s'entre dans la pouquelaye. Y'a un bouton à côté d'la porte en entrant pouor alleunmer les veues. Au mitan du but d'la chambre d'la pouquelaye y'a eune longue pièrre - mais l'pus întérêssant dans l'dolmen est sus ieune des pièrres du pliafond - y'a l'înmage d'eune fache stchulptée sus la pièrre. Nou crait qué ch'tait eune pièrre tchi 'tait dréchie tchique bord mais a 'té r'faite sèrvi pouor la bâtithie du dolmen. Ch'est l'portrait d'un arbalêtchi - eune fache auve d's èrchelles tch'est mênommée "lé gardgien d'la tombe".

Y'a un portrait d'la Pouquelaye d'Faldou sus la pièche à 10 pénîns d'Jèrri.

Viyiz étoutModifier