Ouothelle

Ch't' articl'ye est liée doubl'ye : vaie Ouothelle (frouque). 

Ch't' articl'ye fut c'menchie en Jèrriais

1 cranne
2 canné d'l'ouïe
3 ouothelle
4 tambour dé l'ouothelle
5 f'nêtre
6 marté
7 enclieunme
8 êtriyi
9 labyrînthe
10 colînmachon d'l'ouïe
11 nèr dé l'ouïe
12 tchuyau d'Eustache

L' ouothelle ( ouothelle; Guernésiais : oreille, Cotentinais : orêle, oyêle) est la partie d'l'anatonmie atout tchi qu'nou ouait. L'ouothelle est ofûche sèl'ment la partie qu'nou vait, ou l' ouothelle et l' ouïe ensembl'ye.

Les mammiféthes (et la grande mâjorité des bêtes à héthèque acanté ieux) ont deux ouothelles, ieune d'châque bord d'la tête. La s'pathâtion d'deux ouothelles aîgue à r'mèrtchi d'tchi bord qu'lé son veint.

L'ouothelle (dé d'houors) happe les louêmes dé son et les condit à l'ouïe. Nou peut distîndgi l'ouïe du mitan et l'ouïe dé d'dans.

Ditons

• Les portes ont d's ouothelles
• Faut aver longues ouothelles et p'tit bé
• Les ouothelles mé cônent, nou pâle dé mé
• Chein tch'est pouor êt', s'sa – même lé nid d'eune souothis dans l'ouothelle d'un cat
• Coumme un cat tchi n'a qu'en ouothelle
• Payi coue et ouothelles
• I' n'ouait pon dé ch't' ouothelle-là
• I' n'l'a pon mîns en ouothelle dé vieau
• Ventre affanmé n'a pon d'ouothelle