Milk-é-Pantch

(Èrdirect dé par Milk-e-Pantch)
Ch't' articl'ye fut c'menchie en Jèrriais


milk-é-pantch (audgo milk-é-pantch) est eune bouaisson tchi 'tait traditionnelle aut'fais ès Îles.

  • un pot d'lait - adouochi atout du chucre -
  • y gratter un tout p'tit mio d'muscade (ou eune pétite pînchie d'cannelle
  • eune démié-vèrrée (ou d'mié-tâssée à thée) d'rhonme, ou pus,
  • et au mains siêx oeux d'battus.

Les uns bouoillaient l'lait, d'autres lé faisaient sèrvi cru. Et d'aut's acouo, l'aimaient mus frais trait à sinne dé jeu.

Les jannes gens sustout (fil'yes et garçons) lus l'vaient d'bouôn matîn l'jour dé la Saint Jean, auprès mînniet du 23 d'Juîn, et allaient traithe eune vaque ou deux, à la dêrobée, siez les vaîsîns. Et pis i' lus estchîvaient ès poulaillièrs pouor des oeux. Il' allaient lus tchiaûder et, pus tard dans la journée, il' ajoutôtaient l'rhonme au lait et vèrsaient ch'la sus l's oeufs d'battus et pis y m'ttaient l'chucre et la muscade (ou cannelle), et ch'la faisait chein qu'nou-s-app'lait du milk-é-pantch. I' lus en rigalaient, lus tchoeu content.

En Aur'gny, ch'tait la couôteunme d'baithe du milk-a-punch dans l'aubèrges lé preunmié Dînmanche du mais d'Mai.

Viyiz étout amendaer