Cranne ès os crouaîsis

Ch't' articl'ye fut c'menchie en Jèrriais

La cranne ès os crouaîsis ( cranne ès os crouaîsis) est un sŷmbole tch'a 'té fait sèrvi pouor èrprésenter la mort. Chu sŷmbole est fait sèrvi dans l's êcritcheaux pouor dgèrni contre les pouaîsons.

S'lon la couôteunme, les pithates Ûropéens et Améthitchains 'taient s'posés d'haûlîndgi eune néthe couleu tchi porte la cranne ès os crouaîsis. Ch'est en tchi, bein des pithates haûlîndgaient eune néthe couleu, ou ofûche eune rouoge couleu, auve un tas difféthents portraits sus: des crannes, des stchelettes, des sâbres et tout chenna. Tout coumme, dans la littéthatuthe et l'cinnéma au jour d'aniet, ch'est la cranne ès os crouaîsis tch'est mouontrée typiquement pouor les pithates.

La cranne ès os crouaîsis a 'té fait sèrvi militaithement étout par des brigades dé l'armée et d's avions militaithes.

L'originne du sŷmbole veint des chînm'tchiéthes tchi soulaient êt' mèrtchis par des crannes et d's os: preunmiéthement des vrais épis des dêcothâtions. Y'a des crucifix tch'ont eune cranne ès os crouaîsis souos la crouaix viyant qu'Golgotha veurt dithe s'lon les Bouonnes Nouvelles "la pliaiche d'la cranne".

dangi d'pouaîson
eune couleu d'pithate