Ch't' articl'ye fut c'menchie en Jèrriais

La biéthe (audgo biéthe; byire, bire) est eune bouaisson alcoolique tch'est fèrmenté atout dé l'ieau et d'la céréale (ouaithe qu'nou trouve d'la biéthe à riz ou à réchinnes dans des pays du monde étout).

Des biéthes en boutelle

La brach'chie d'biéthe a dêv'loppé pouor întroduithe d'aut's îngrédgeins, sustout lé houbillon tchi donne un r'tunfîn amé à la bouaîsson, mais nou-s'y met ofûche du frit étout.

Nou brache d'la biéthe atout du blié, du fronment, d'l'avaine, du seigl'ye, d'la canârie, du maïs ou d'aut's céréales. Nou fait du brais en gèrmant la céréale épis en la sitchant dans un fou. La tempéthatuthe et la duthée d'la fouângnêthie change la couleu et l'goût d'la biéthe.

Nou soulait faithe sèrvi d'l'ambrais (Teucrium scorodonia) à la pliaiche du houbillon.

Y a co' de quei à vei' ou à ouï' entou'
la Biéthe
sus les Coumuns à Viquipédie