C'meunnion Anglyicanne
(Èrdirect dé par Anglyican)
Ch't' articl'ye fut c'menchie en Jèrriais
|
La C'meunnion Anglyicanne (
C'meunnion Anglyicanne; Cotentinais : c'meunioun aunglicanne) est eune fanmil'ye d'églyises nâtionnales (provînches) tchi siévent les prîncipes êtablyies par la R'formâtion d'l'Églyise d'Angliétèrre au 16e siècl'ye et tch'ont gardé la Succession Apostolique. Ch'est la traîsième pus grande assembliée d'Chrêtchiens du monde auprès l'Églyise Catholique Romaine et l's Églyises Orthodoxes.
Y'a 38 provînches dans la C'meunnion – châtcheune des 38 est îndépendente et chouaîsit san gouvèrnément, l'êvêque tchi la mène, et sa litourgie.
Ouaithe qu'les églyises lus gouvèrnent, i' châre quat' înstruments dé c'meunnion tchi lus unnissent:
- L'Archêvêque dé Cantorbéry, tchi préside la C'meunnion mais n'la gouvèrne pon
- La Conféthence dé Lambeth, eune rêunnion d's êvêques Anglyicans tch'a lieu touos les dgiêx ans à Lambeth à Londres (d'pis 1867)
- Lé Conmité Anglyican d'Consultâtion rêunnit touos les trais ans (d'pis 1971) des r'présantants d's êvêques, des minnistres et des congrégâtions des provînches
- La Rêunnion des Preunmièrs d'la C'meunnion Anglyicanne, eune rêunnion des chefs des provînches (d'pis 1979)
