Église catholique et thiorie de l'évolution

« Encor achteu', la fei que l'Eunivers fut créé n'est pièche incréyab'e ; encor achteur alle est raisounable à la leumière des dounèyes des schienches naturelles, alle est meîme pameins l'hypothèse la pus créyab'e ; ch'est-à-savei' la chelle qui doune l'entendement le pus complet ent'e toutes les thiories su' l'orène de l'Eunivers et de la vie. »

– Joseph Ratzinger, Pape Beneît XVI à veni', 1986.

L'Église catholique ne contredit mot de cha que dit la schienche en cha qu'en est de l'orène de la vie su' la Terre et de l'orène de l'Eunivers. Mais la fei traditiounelle fut drôlement chibolèye de depis les grandes avanchies de la schienche ès XIXe et XXe sièc'es, et ch'te adounaison engenrit bellement de conflits ent'e les siens qui défendît'ent les vieulles créyanches et les siens qui creût'ent que le catholichîme et la Bible étaient prouvés faux pa' les nouvelles découvertes.